UPDATE #3: 30 di aprel/1 Mei – Dia di Rincon

UPDATE #3: 30 di aprel/1 Mei – Dia di Rincon

*Durante Dia di Rincon, Krus Kòrá i personal di ambulans a atendé ku personanan ku a bira malu i ku tabata rekerí tratamentu.

*Durante Simadan di Union, alrededor di 10.15 or di anochi, a bolbe hasi tèst di supla ku shofùrnan den parada i tur a pasa esaki ku éksito.

*Alrededor di 12 or di mardugá a detené un hòmber di inisial A.J.R. di 20 aña di edat na Kaya Generoso. Detenshon di e sospechoso a tuma lugá despues ku polis a risibí notifikashon ku e sospechoso probablemente tabatin arma di kandela den su poder. Despues a drenta notifikashon ku e sospechoso a lòs tiru den laira i menasá un persona. A detené pa violashon di Lei di Arma di Kandela BES, menasa ku violensia públiko i destrukshon. No a topa ku e arma di kandela.

Algun ratu despues, alrededor di 12.25 or di mardugá, a detené un di dos sospechoso den e kaso aki na Kaya Generoso pa violashon di Lei di Arma di Kandela BES. Ta trata di un hòmber di inisial S.M.J. di 25 aña di edat. Investigashon den e kaso ta kontinuá.

*Ademas, polis a risibí notifikashon di dos kaso di bringamentu. Unu na altura di Kaya Milon i e otro na altura di Bulevar Miguel A. Pourier i Kaya Encarnacion B. Sint Jago. A konfiská un machete. No tabatin herido i tampoko detenshon.