𝐏𝐫𝐨𝐦é 𝐌𝐢𝐧𝐢𝐬𝐭𝐞𝐫 𝐏𝐢𝐬𝐚𝐬 𝐢 𝐏𝐫𝐢𝐧𝐬 𝐏𝐢𝐞𝐭𝐞𝐫-𝐂𝐡𝐫𝐢𝐬𝐭𝐢𝐚𝐚𝐧 𝐭𝐚 𝐢𝐧𝐭𝐞𝐫𝐤𝐚𝐦𝐛𝐢á 𝐫𝐢𝐛𝐚 𝐝𝐞𝐩𝐨𝐫𝐭𝐞 𝐢 𝐟𝐮𝐭𝐮𝐫𝐨 𝐬𝐨𝐬𝐭𝐞𝐧𝐢𝐛𝐞𝐥 𝐩𝐚 𝐧𝐨𝐬 𝐡𝐮𝐛𝐞𝐧𝐭𝐮𝐭

𝐏𝐫𝐨𝐦é 𝐌𝐢𝐧𝐢𝐬𝐭𝐞𝐫 𝐏𝐢𝐬𝐚𝐬 𝐢 𝐏𝐫𝐢𝐧𝐬 𝐏𝐢𝐞𝐭𝐞𝐫-𝐂𝐡𝐫𝐢𝐬𝐭𝐢𝐚𝐚𝐧 𝐭𝐚 𝐢𝐧𝐭𝐞𝐫𝐤𝐚𝐦𝐛𝐢á 𝐫𝐢𝐛𝐚 𝐝𝐞𝐩𝐨𝐫𝐭𝐞 𝐢 𝐟𝐮𝐭𝐮𝐫𝐨 𝐬𝐨𝐬𝐭𝐞𝐧𝐢𝐛𝐞𝐥 𝐩𝐚 𝐧𝐨𝐬 𝐡𝐮𝐛𝐞𝐧𝐭𝐮𝐭
Promé Minister Gilmar Pisas a tene un reunion ku Prins Pieter Christiaan durante su bishita na Kòrsou. E diálogo a keda sentra riba e trabou ku e Prins ta hasi den Laureus Nederland, inklusí e torneo di Reino ku ta tuma lugá na Kòrsou.
Durante e reunion, Prins Pieter Christiaan a kompartí informashon tokante e programa di deporte pa hubentut ku Laureus a desaroyá den Reino. Nan a diskutí investigashon resiente ku ta mustra ku deporte i mentoría struktural por kontribuí pa prevení ku hubentut ta yega den sistema penal.
Ademas, Prins Pieter-Christiaan a pone énfasis riba su pashon pa sostenibilidat i desaroyo duradero, i a ekspresá su apresio kontinuo pa Kòrsou, su naturalesa i su komunidat. E la indiká ku e ta sigui sinti un fuerte konekshon ku Kòrsou i ku su futuro.
E reunion a sirbi pa kompartí perspektiva riba deporte, hubenil i sostenibilidat, i pa eksplorá área di kolaborashon den kuadro di inisiativanan ku ta uni Reino i komunidatnan lokal.