𝐑𝐮𝐞𝐝𝐚 𝐝𝐢 𝐏𝐫𝐞𝐧𝐬𝐚: 𝐆𝐨𝐛𝐢è𝐫𝐧𝐮 𝐭𝐚 𝐢𝐧𝐟𝐨𝐫𝐦á 𝐩𝐮𝐞𝐛𝐥𝐨 𝐭𝐨𝐤𝐚𝐧𝐭𝐞 𝐦𝐞𝐝𝐢𝐝𝐚 𝐟𝐫𝐞𝐧𝐭𝐞 𝐧𝐚 𝐬𝐮𝐛𝐢𝐝𝐚 𝐝𝐢 𝐩𝐫𝐞𝐢𝐬

E desaroyonan internashonal ta sigui ehersé preshon riba preisnan di energia, transporte i produkto básiko mundialmente i Kòrsou, komo ekonomia habrí ku ta dependé riba importashon, inevitablemente ta sinti e efektonan aki tambe.

Durante rueda di prensa di ayera 30 di aprel 2026, Promé Minister Pisas huntu ku Minister Charles Cooper di ministerio di finansa, minister Middelhof di ministerio di desaroyo ekonomíko a informá ku Gobièrnu ta monitor e situashon di serka i a tuma diferente medidanan pa mitigá e impakto riba nos komunidat. Entre otro, un grupo di trabou interministerial a wòrdu instalá pa evaluá e situashon kontinuamente i formulá solushonnan responsabel i duradero.

Ademas, Gobièrnu lo lansá e kampaña “Ami ta Prepará” pa konsientisá pueblo tokante uzo mas efisiente di energia, awa i otro rekurso, i tambe lo implementá medidanan di alivio temporal pa esnan ku mas tin mester.

Gobièrnu ta sigui traha ku transparensia, responsabilidat i determinashon pa protehá bienestar di nos pueblo den tempu di retu global.