PROMÉ MINISTER GILMAR PISAS REUNÍ KU PRESIDENTE DI SINDIKATO CBV

 

 

PROMÉ MINISTER GILMAR PISAS REUNÍ KU PRESIDENTE DI SINDIKATO CBV

 

Willemstad – Promé Minister Gilmar Pisas, komo remplasante di e Minister di Salubridat, Medio Ambiente i Naturalesa, a reuni ku e presidente di Sindikato di Trahadonan den Enfermeria di Kòrsou (CBV) sr. Jhonsel Diaoen.

 

Durante di e reunion aki Promé Minister por a haña un bista mas kla riba kual ta tur e preokupashon i puntonan di atenshon ku e sindikato aki ta sintá kun’é aktualmente.

A atendé entre otro e parti ku ta enserá e situashon aktual di e trahadonan na CMC.

 

Promé Minister a invitá sr. Diaoen pa un siguiente reunion dia 11 di yanüari 2022 kaminda lo bai sigui atendé algun punto mas ku ta enserá e trahadonan di CMC i alabes algun punto di sumo importansia ku ta enserá entre otro e trahadonan di Ambulans, Kas di Hugenholtz i e parti di kuido posterior (nazorg).

 

E reunión aki a kana den un bon esfera.