The Next Wave a terminá eksitosamente / The Next Wave succesvol afgerond
The Next Wave a terminá eksitosamente
E proyekto pa hóben The Next Wave na Jong Bonaire a terminá eksitosamente. Den e periodo di 7 di mart te ku 23 di aprel, vários hóben a partisipá aktivamente na e proyekto akí, kaminda salú, kuminda i empresariado tabata sentral. E proyekto no a sòru solamente pa e hóbennan haña konosementu, pero el a stimulá nan tambe pa hasi eskoho mas saludabel den nan bida diario i den bida di otronan.
GGD Bonaire / Salubridat Públiko di Entidat Públiko Boneiru a ehekutá e proyekto den kolaborashon ku Jong Bonaire i Scholengemeenschap Bonaire (SGB). Pa medio di e kolaborashon amplio akí e abilidatnan ku e hóbennan a siña, ta keda útil den práktika.
Durante The Next Wave, empleadonan di kushina di Jong Bonaire i SGB a sigui algun tayer di kushinamentu. Durante e tayernan akí nan a siña prepará diferente reseta saludabel i sabroso pa gruponan grandi. Banda di esaki e hóbennan di Jong Bonaire a haña tantu lès di teoria komo lès di práktika. Nan a siña entre otro tokante kome konsientemente, lesa etiketa i influensia di kuminda riba nan salú físiko i mental. Tambe nan mes a prepará pasaboka i kuminda saludabel. Ademas nan a traha video i un kantika pa por pasa e mensahe di un estilo di bida salú na un manera eksitoso pa otro hende na Boneiru. Finalmente e hóbennan tur siman a haña un lùnch saludabel for di nan propio kòki, ku a sigui e tayernan di kushinamentu.
E partisipantenan a reakshoná visibelmente entusiasmá riba e proyekto. Tokante e parti di Show Up, kaminda e hóbennan a traha huntu riba un tarea relashoná ku promoshon di un estilo di bida salú (aktua komo embahador di salú), un di nan a konta: “Loke ami a gusta mas tantu ta ku komo grupo di mucha muhé nos a traha bon huntu. Huntu nos a siña i logra algu bunita.”
Pa e motibu akí ku satisfakshon GGD Bonaire / Salubridat Públiko ta wak bèk riba e proyekto i ta mira The Next Wave komo un paso importante den prevenshon i edukashon di kuminda serka hóbennan. E kolaborashon ku otro partnernan i e enbolbimentu di nos hóbennan ta forma un base fuerte pa posibel inisiativanan di kontinuashon.
Ku proyektonan manera The Next Wave, Boneiru ta sigui invertí den un generashon ku ta enfrentá futuro na un manera konsiente i salú.
The Next Wave succesvol afgerond
Het jongerenproject The Next Wave bij Jong Bonaire is succesvol afgerond. In de periode van 7 maart tot en met 23 april hebben jongeren actief deelgenomen aan dit project, waarin gezondheid, voeding en ondernemerschap centraal stonden. Het project heeft jongeren niet alleen kennis bijgebracht, maar hen ook gestimuleerd om gezondere keuzes te maken in hun dagelijks leven en dat van anderen.
Het project werd uitgevoerd door GGD Bonaire / Salubridat Públiko van het Openbaar Lichaam Bonaire, in samenwerking met Jong Bonaire en de Scholengemeenschap Bonaire (SGB). Door deze brede samenwerking blijven de vaardigheden die jongeren leren, bruikbaar in de praktijk.
Tijdens The Next Wave volgden keukenmedewerkers van Jong Bonaire en SGB kookworkshops. Daar leerden zij gezonde en smakelijke recepten bereiden voor grote groepen. Daarnaast kregen jongeren van Jong Bonaire zowel theorie als praktijklessen. Ze leerden onder andere over bewust eten, etiketten lezen en de invloed van voeding op hun fysieke en mentale gezondheid. Ook gingen zij zelf aan de slag met het bereiden van gezonde snacks en maaltijden. Bovendien maakten zij video’s en een lied om de boodschap van een gezonde leefstijl succesvol over te kunnen brengen aan anderen op Bonaire. Tot slot kregen de jongeren wekelijks een gezonde lunch van hun eigen kok, die de kookworkshops heeft gevolgd.
Deelnemers reageerden zichtbaar enthousiast op het project. Over het onderdeel Show Up, waarin de jongeren samenwerkten aan een opdracht rondom gezonde leefstijl promoten (gezondheidsambassadeurschap), vertelde één van hen: “Het leukste vond ik dat we als groep meiden goed samenwerkten. We hebben samen geleerd en er iets moois van gemaakt.”
GGD Bonaire / Salubridat Públiko kijkt daarom tevreden terug op het project en ziet The Next Wave als een belangrijke stap in preventie en voedingseducatie onder jongeren. De samenwerking met partners en de betrokkenheid van jongeren vormen een sterke basis voor mogelijke vervolginitiatieven.
Met projecten zoals The Next Wave blijft Bonaire investeren in een generatie die bewust en gezond de toekomst tegemoet gaat.
