Petishon pa búskeda di e hóben Shuriday Llewelyn 

 

KUERPO POLISIAL KÒRSOU 

KOMUNIKADO DI PRENSA

147/2026 7 mei 2026 

Petishon pa búskeda di e hóben Shuriday Llewelyn 

Polis ta pidi búskeda di e hóben Shuriday Llewelyn, nasé na Kòrsou di 16 aña di edat.  For di djadumingu 2 di mei 2026, e hóben aki a sali for di JJIC sin pèrmit i no a regresá. 

Shuriday tin e siguiente deskripshon: 

Haltura: 1.68 m;  

Kabei: kòrá /pretu natural; 

Kara: oval; 

Koló di wowo: maron; 

Koló di kueru: maron kla; 

Na momentu ku Shuriday a bai e tabatin karson kòrtiku pretu i un blusa manga kòrtiku  ‘peach’ i na su pia un slòf bistí.  

Polis ta supliká tur persona ku por duna kualke informashon tokante di e hóben aki pa tuma  kontakto ku polis na number di telefòn 917 òf e number anónimo 108.