GMN A ATENDE KASO DI PÁRANAN KU PROBLEMA

 

Willemstad — Ministerio di Salubridat, Medio Ambiente i Naturalesa (GMN) e siman aki  a tuma nota di e preokupashon ku siudadano señor Stanley Ignacio a trese dilanti den medio di komunikashon, kaminda e la elaborá tokante e situashon di paranan lokal ku diripiente no por bula na drechi mas.

Ministerio di GMN, a tuma e informashon aki i mediante su departamentunan di Asuntunan Veterinario, Maneho di Medio Ambiente i Naturalesa (MNB) i Komunikashon, a bini huntu pa deliberá tokante e situashon remarkabel aki.

Durante di e reunion aki a tuma kontakto ku señor Stanley Ignacio, kende a duna mas detaye di e kasonan ku e la haña. Ta trata aki di tres para yagdó ku dado momentu no por a bula mas i a permanesé riba suela. 

E kasonan ta trata e paranan 

• Warawara, 

• Kinikini i 
• Palabrua.   

Señor Ignacio a duna di konosé ku den mayoria kaso e paranan aki tabata den bon kondishon. E áreanan ku a haña e paranan aki tabata: Skalo, Mari Pampun, Kurá Piedra i Nieuwehaven.

Ministerio di GMN ta pidi tur siudadano ku na momentu ku nan topa kasonan similar, pa tuma kontakto ku Inspektor di Bienestar di Animal señor Kanavan riba number 

+5999 6670163. Ministerio lo atendé ku e kasonan aki pa asina por identifiká e kousa di e fenómeno aki.

Ministerio di GMN tei Pa abo i Naturalesa di Kòrsou.

Pòtrèt: Aki algun foto di e paranan ku a haña nan abou na suela.