Prome minister di Aruba Mike Eman Entrega di MB ta marca un paso importante den direccion di igualdad entre sindicatonan

Awe mainta, a reuni cu sindicatonan TOPA, SADA, SIMBA y FTA, unda a tuma luga e entrega oficial di un MB (Decreto Ministerial). E entrega aki ta resultado di un reunion anterior, caminda sindicatonan a presenta nan peticion pa logra un areglo similar na esun cu sindicato SPA tin caba, cu ta enfoca riba duna bestuursleden mas tempo disponibel pa cumpli cu nan trabou sindical na bienestar di nan miembronan.

Como respuesta riba e peticion aki, a actua y a procede cu entrega di e MB, cu ta garantisa cu awor TOPA, SADA, FTA y SIMBA lo haya e mesun areglo cu sindicato SPA tin. E medida aki ta fortalece e posicion di sindicatonan y ta permiti nan representantenan cumpli cu nan rol mas efectivamente pa defende interesnan di e trahadonan. Esaki ta un paso importante pa promove igualdad y fortifica e movemento sindical na Aruba.