Sr. Errold Bishop, Minister Plenipotensiario Suplente di Kòrsou, a sera konosí ofishalmente ku e Minister Plenipotensiario di Aruba, Sra. Mildred Schwengle.

Djaluna, 11 di mei 2026, Sr. Errold Bishop, Minister Plenipotensiario Suplente di Kòrsou, a sera konosí ofishalmente ku e Minister Plenipotensiario di Aruba, Sra. Mildred Schwengle. Den un esfera ameno e dos mandatarionan a interkambiá di opinion riba varios tópiko di interés mutuo pa nan respektivo paísnan. Entre otro nan a papia tokante di e konsekuenshanan di e guera na medio oriente pa Kòrsou i Aruba, riba e relashon di trabou entre Kas di Kòrsou i Kas di Aruba, e posishonámentu komo un tim di e tres Ministernan Plenipotensiario di Kòrsou, Aruba i Sint Maarten den Konseho di Minister di Reino i tambe nan a diskutí riba e nesesidat pa traha riba un bon relashon di trabou ku Sekretario di Estado pa Asuntunan di Reino, Sr. Eric van der Burg.