Star Motors ta Anunsiá Ganadónan di Kampaña “Ban K’é Liga”
Star Motors ta Anunsiá Ganadónan di Kampaña “Ban K’é Liga”
Willemstad, Curaçao — Star Motors a sera su kampaña eksitoso “Ban K’é Liga” ku e rifa final ku a tuma lugá djabièrnè, 22 di mei den e showroom di Star Motors na Sta. Helena.
Durante e último lunanan, e kampaña a duna klientenan oportunidat pa risibí te ku XCG 10.000 di deskuento riba kompra di nan outo, mientras ku nan tabata partisipando tambe pa gana diferente premio eksklusivo inspirá pa nos partidipashon den Mundial.
Durante e evento di rifa final, a anunsiá e ganadónan den presensia di invitadonan, deurwaarde, partnernan i representantenan di media.
Ganadónan di e premio prinsipal ta:
Biahe pa Dos Persona pa Mira Promé Wega di Kòrsou na Mundial
Ganadó: Marilyn Passial (1956033001)
TV di 65” i Food & Beverage Experience
Ganadó: Cindy Kessler (1980071512)
Ganadónan di TV di 55”:
- Selassa (1983111002)
- Harley Martina (1963093010)
- Nelson Felipa (1960010408)
- Shaskia Guillermina (1963011002)
- Darlene Phelipa (1984110803)
Star Motors kier gradisí tur klientenan i partnernan ku a forma parti di kampaña “Ban K’é Liga” i a yuda hasi’é un gran eksito.
Ademas di esaki Star Motors ta ekstendé agradisementu tambe na tur partnernan finansiero, klientenan ku a bishitá showroom, klientenan ku a service nan outo òf a kumpra piesa durante e kampaña.
“Ban K’é Liga” a logra kombiná emoshon di futbol ku benefisionan eksklusivo pa TUR kliente di Star Motors. Pabien na tur nos ganadornan.
Pa mas informashon, sigui Star Motors riba su plataformanan social.
