LANSAMENTU DI TRAYEKTO DI DIGITALISASHON DI MINISTERIO DI GMN

LANSAMENTU DI TRAYEKTO DI DIGITALISASHON DI MINISTERIO DI GMN

Riba 19 di mei último a tuma lugá e lansamentu ofisial di e Trayekto di Digitalisashon di Ministerio di Salubridat, Medio Ambiente i Naturalesa (GMN). Durante e reunion aki, diferente kolega i persona envolví a reuní pa huntu duna e promé paso den direkshon di digitalisashon integral i orientá pa futuro pa e ministerio.

E trayekto ta enfoká riba fortalesé e kolaborashon entre inisiativanan eksistente, mehorá gobernashon i hasi eskoho dirigí riba tereno di digitalisashon den Ministerio di GMN.

Durante e reunion a saka tambe diferente portrèt di esnan presente, ku ta duna un bunita impreshon di e kompromiso i esfuerso kolektivo pa duna forma ku éxito na e importante trayekto aki.

Huntu nos ta konstruí un Ministerio di GMN moderno, efisiente i prepará pa futuro.