Parlamento di Kòrsou ta kontinuá e reunion ku Konseho di Minister, relashoná ku proseso nobo pa hasi tratamentu di Presupuesto di Kòrsou mas efektivo i transparente.

Djabièrnè 4 di sèptèmber 2026, Presidente di Parlamento sr. Fergino Brownbill kual tabata kompañá pa Hefe di Proseso Konstitushonal, a reuní ku Konseho di Minister, huntu ku nan respektivo konseheronan

Meta di e reunion aki tabata pa presentá i diskutí delaster puntonan di atenshon pa ku e proseso nobo pa e tratamentu di Presupuesto di Kòrsou den Parlamento. Ku e adaptashonnan aki, ta hasi tratamentu di e dokumentu finansiero mas importante di nos pais mas efektivo, strukturá i transparente.

E reunion aki ta kontinuashon di un reunion ku a tuma lugá 17 di ougùstùs último.