KUERPO POLISIAL KÒRSOU 

KOMUNIKADO DI PRENSA

162/2026

28 mei 2026 

Dos detenshon pa intento di ladronisia di vehíkulo 

Kontinuando ku investigashonnan ku e tim enkargá ku ladronisia di outo i/o  piesa di outo ta kondusiendo e último simannan, e personal a realisá dos  detenshon. 

Durante di e investigashon den área di Dr. Hugenholtzweg, reshèrshinan a  señalá un vehíkulo sin plachi di number i ku tabata sirkulá den e área di forma  sospechoso. 

Dado momento dos hòmber a para na un apartamentu i baha bai den e kurá den direkshon di dos vehíkulo. 

Ta trata aki di dos vehíkulo for di kua marka i modèl, último tempu bastante  piesa ta wòrdu kitá. 

Na momentu ku e duo a sinti su mes deskubrí, el a sali na kareda i bai for di e  sitio. 

Mesora polis a start un persekushon tras di e vehíkulo i djis despues a logra  par’é den área di Amandelweg. 

Den e vehíkulo polis a bin enkontrá hèrmènt, kapuchon i hanskun. 

Alrededor di 03.30’or, polis a hasi detenshon di e hòmbernan J.S.B di 26 aña  di edat i G.R.M. di 23 aña di edat nasé na Kòrsou, mientras a konfiská e  vehíkulo. 

A presentá ámbos dilanti di un fiskal ouksiliar ku a ordená nan enkarselamentu  pendiente di mas investigashon.