KUERPO POLISIAL KÒRSOU 

KOMUNIKADO DI PRENSA

163/2026

28 mei 2026 

Detenshon pa ladronisia di vehíkulo 

Kontinuando ku investigashon den e kaso di intento di ladronisia di vehíkulo  na Dr. Hugenholtzweg (Komunikado di Prensa 162/2026), den oranan di  mainta di djaweps 28 di mei 2026, e tim enkargá ku investigashon di ladronisia  di outo i/o piesa di outo, a tene un entrada hudisial na un kas den Kaya  Gilberto A. Doran. 

Durante di e entrada hudisial, e personal a enkontrá diferente artíkulo ku ta  prosedente di ladronisia. 

Na e adrès enkestion, a bin topa tambe e hòmber K.B. di 33 aña di edat nasé  na Kòrsou ku tabata wòrdu buská pa polis, enkonekshon ku ladronisia di  vehíkulo. 

Alrededor di 10.12’or, e sospechoso a keda detené. 

A present’é dilanti di un fiskal ouksiliar ku a ordená su enkarselamentu  pendiente di mas investigashon.