KUERPO POLISIAL KÒRSOU 

 

KOMUNIKADO DI PRENSA

167/2026 30 mei 2026 

Hòmber ta heridá su mes i fayesé 

Djasabra 30 di mei 2026, alrededor di 02.01’or, Sentral di Polis a dirigí un unidat polisial pa Kaya Butuela pa un persona indeseá. 

Na kaminda pa e adrès, un hòmber a indiká na e unidat ku na e adrès  enkestion, tabatin un hòmber ta sangra bastante. 

Na yegada na e kas, e unidat a topa un hòmber sintá banda di un kashi di  koriente i ku no tabata reakshoná. 

E tabatin un kòrtá grandi na altura di su pòls ku tabata sangra. 

A pidi ambulans ku a yega rápidamente na e sitio, pero no por a hasi nada mas  pa e hòmber.  

For di investigashon preliminar a sali na kla ku e víktima a yega na kas di su ex pareha. I durante ku e tabata intentá na drenta den e kas, e lo a heridá su mes  ku e konsekuensia fatal. 

Dòkter di polis a konstatá morto, mientras personal di reshèrshi ta kontinuá ku  e investigashon.