Michael Bethany na kaminda pa Korsou pa un eksperensia úniko di adorashon
Michael Bethany na kaminda pa Korsou pa un eksperensia úniko di adorashon
Willemstad, Kòrsou – Life Changers Foundation ta orguyoso di anuncia e binida di Michael Bethany, un di e lidernan di adorashon i mentor kristian mas influensia di e momentu, ku lo bishita Kòrsou den luna di ougùstus pa dos evento speshal na LCDC-Center, situá na Weto 95.
Den e kuadro di e bishita aki, lo tin un Worship Workshop riba dia 21 di ougùstus, spesialmente pa adoradónan, músikonan, lidernan di ministerio i tur persona ku tin interés den kresementu den adorashon. E workshop lo ofresé enseñansa práktiko, inspirashon i hermentnan balioso pa fortalesé ministerionan di adorashon.
Riba dia 22 di ougùstus, komunidat ta kordialmente invitá pa asistí na un anochi special di alabansa i adorashon bou di tema “Heart of Worship”. Entrada ta gratis, aunque aporte boluntario lo ta bon biní pa sostené e inisiativa.
Segun Widney Martha, presidente di Life Changers Foundation, e evento ta un oportunidat úniko ku hende no mester perde. “Nos ta invitá tur persona pa nota e dianan aki den nan agenda. Nos ta spera dos anochinan di bendishon, inspirashon i renovashon spiritual pa nos komunidat,” el a deklará.
Michael Bethany ta un oradó internashonal, artista kristian ganador di varios premio i un mentor hopi respetá pa lidernan di adorashon, artista i kreativonan rond mundu. E ta konosí pa su pashon pa mentor pastor di adorashon, desaroyá sistemanan efektivo pa departamentonan di adorashon i liderá kongregashonnan den eksperensianan transformashonal di adorashon.
Su último álbum, “Overflow”, lansa den kolaborashon ku Capitol Rethink, a risibí dos nominashon pa GMA Dove Awards. Ademas, su ministerio online a alkansá mas di 20 mion visualisashon riba YouTube i a wòrdu presentá den medionan prominente manera Daystar Television Network i CCM Magazine.
