Minister Boekhoudt ta bishitá dos klinika mas na Medellín

Medellín, Colombia – 5 yüni – Despues di a bishitá varios klinika na Bogotá, Minister di GMN Tyron Boekhoudt, a realisá awe bishitanan di trabou na Clínica Las Américas AUNA i Hospital Pablo Tobón Uribe, na Medellín.

E bishitanan akí ta forma parti di e mishon na Colombia ku ta enfoká riba buska solushonnan pa e listanan di espera den kuido spesialisá na Kòrsou. Durante e reunionnan, a interkambiá informashon tokante kuido spesialisá, ekspertisio médiko i diferente forma di kolaborashon ku por kontribuí na un akseso mas lihé na kuido pa pasientenan di Kòrsou.

Minister Boekhoudt a enfatisá ku e ta buskando oportunidatnan pa amplia nos kapasidat den kuido spesialisá aktivamente. Mañan Minister Boekhoudt lo ta na Baranquilla kaminda e lo bishitá 2 klinika mas.