Resientemente dos agente di Kuerpo Polisial Kòrsou, den persona di Liane Kramers i Rayvon Raphaela, a biaha pa West Virginia (E.U.) den kuadro di FIFA Kopa Mundial 2026.

Resientemente dos agente di Kuerpo Polisial Kòrsou, den persona di Liane Kramers i Rayvon Raphaela, a biaha pa West Virginia (E.U.) den kuadro di FIFA Kopa Mundial 2026.

T’asina ku tur pais ku ta partisipá na mundial, mester manda dos representante di nan kuerpo polisial ku lo mester bai enkargá nan mes ku tareanan spesífiko pa ku seguridat di tantu e ekipo lokal pero tambe di tur esnan ku ta bai pa apoyá nos selekshon. Nan lo tin un tarea basta pisá den próksimo dianan huntu ku outoridatnan merikano i alabes lo atkerí hopi konosementu i eksperensia, mientras ku nan lo tin asiento den e Sentro di Komando di FIFA durante ku nos ekipo nashonal ta hunga bala. Miembro di tim di maneho Komisario Sra. Bryan a duna nan palabranan di sostén i gradisi nan adelanta pa e tremendo trabow ku nan ta bai hasi pa Kòrsou. Nos ta deseá e dos koleganan aki hopi éksito.