Djasabra 6 di yüni 2026, Promé Minister Gilmar Pisas tabata presente na e partido amistoso entre Kòrsou i Aruba. Den un ambiente yená di entusiasmo i orguyo nashonal, Kòrsou a logra un viktoria impresionante di 4-0.

Promé Minister Pisas a probechá e momentu speshal aki pa dirigí un mensahe di despedida na nos selekshon nashonal promé ku nan biaha pa Mundial FIFA 2026. Den su palabranan, el a ekspresá su konfiansa den e ekipo i a deseá tur hungadó, entrenadó i miembro di staf hopi éksito den e reto históriko ku ta spera nan.

E prestashon di e anochi a mustra un biaha mas e talento, union i determinashon ku ta karakterisá nos selekshon. Huntu, nos ta sigui soña grandi i nos ta sigui krese komo nashon.

Biba Kòrsou!