Konmemorashon i selabrashon di bida di mr.Dr. Rutsel Silvestre Jacinto Martha
Konmemorashon i selabrashon di bida di mr.Dr. Rutsel Silvestre Jacinto Martha
Willemstad, 7 yüni 2026
Konmemorando i Selebrando Herensia di Liderazgo, Sabiduría i Lealtat.
Un persona ku a karga responsabilidat, humildat, desaroyo i kresementu ku lealtat. Biba un bida ku propósito i e ta laga un herensia pa generashonnan binidero. E ta sirbidor di hende i komunidat I ku liderazgo den su bida humano, profeshonal i públiko. Bibando semper: “ Duna ta hasi hende mas felis ku risibí” (Hechonan 20:35b).
E famia di Partido Nashonal di Pueblo tin e honor di invitá nos pueblo Nashonalista pa bin konmemorá, rekordá i selebrá e bida èkstra ordinario i un herensia duradero di nos estimado hermano, mandatario, mentor i hurista:
- Dr. Rutsel Silvestre Jacinto Martha (q.e.p.d)
Un Pilar Prominente di PNP, Guardián di Hustisia i Visionario di Kòrsou
E Kaminda di un Vishonario:
Sr. mr. Dr. Rutsel Martha no solamente a okupá un lugá den nos historia; el a pensa huntu, sinti huntu, enkurashá otro i traha hopi huntu ku otro. Su prinsipionan fundamental ta responsabilidat komparti i solidaridat. Ku su profundo i briyante sabiduria hudisial i legal, un integridat sin igual i un amor profundo pa su pueblo, el a sirbi komo un faro di ekselensia den Partido Nashonal di Pueblo. Su bida tabata un kátedra di diplomasia, kredibilidat intelektual i un kompromiso firme pa adelanto i progreso di Kòrsou den tur sentido di palabra. P’esei el a duna Kòrsou semper prioridat. Kòrsou promé!
E anochi aki ta pa nos ta huntu, pa haña forsa den tristesa ku un gran pérdida, tambe nos ta lanta para selebrá un trayektoria fenomenal: Honrando su sabiduría kompartí, e kamindanan di éksito i viktoria ku el a laga komo herensia pa nos i e kurasón bèrdè ku a bati ku tantu pashon pa e adelanto i progreso di nos nashon.
Partido Nashonal di Pueblo, ta invitá kordialmente tur miembro di partido, kolega- i amigunan i pueblo di Kòrsou pa uni ku nos na un anochi di Konmemorashon i Selebrashon di Bida di mr. Dr. Rutsel Silvestre Jacinto Martha:
Dia : Djamars
Fecha : 9 yüni 2026
Ora : 7:00 – 9:00 P.M.
Lugá : Kas di Pueblo, Winston Churchillweg 133.
Nos ta konta ku bo presensia. Laga nos bini huntu pa e kandela di mr.Dr.Rutsel Martha keda sende den nos kurason i pa futuro di nos dushi Kòrsou.
Direktiva PNP
