Mantenshon di kamindanan di tera den Mahuma/Juan Domingo

Willemstad – Minister Charles Cooper huntu ku Servisio pa Obra Públiko (OW) ta informá ku entrante djarason 10 di yüni 2026, trabounan di mantenshon di kayanan di tera a kuminsá den área di Mahuma/Juan Domingo. Esaki spesífikamente na un ‘zijweg’ den Mahuma/Juan Domingo, mas o menos patras di Esperamos. Trabounan lo tin un durashon di 3 siman.

E trabou ta konsistí di asfaltá e kaya ku ta den mal estado. Mirten General Construction ta enkargá ku ehekushon di e trabou.

Durante ehekushon di e trabounan aki, habitantenan i negoshinan ku ta keda den e área aki por yega nan kas òf establesimentu normalmente. Pa otro outomobilistanan ku sa hasi uzo di e karetera aki, lo tin ruta alternativo ku lo wòrdu guiá pa bari oraño i bòrchinan.

Minister Charles Cooper i OW ta hasi un apelashon na tur outomobilista pa kore ku koutela.