For di vulnerabel pa perspektiva / Van kwetsbaar naar perspectief
For di vulnerabel pa perspektiva
11 jun 2026
Entidat Públiko Boneiru, den kolaborashon ku e kadena hudisial, a organisá un enkuentro Kompas pa hóbennan.
Riba djaluna 4 di yüni, Entidat Públiko Boneiru, den kolaborashon ku e kadena hudisial, a organisá un enkuentro Kompas pa hóbennan ku ta konsiderá komo vulnerabel òf den riesgo pa motibu di ousensia eskolar duradero, abandono di skol i/òf kontakto ku hustisia. E enkuentro a tuma lugá na Jong Bonaire i a trese hóbennan, mayornan i profeshonalnan huntu pa trata e tema prevenshon di violensia ku arma di kandela bou di hóbennan.
E enkuentro Kompas su enfoke tabata pa duna perspektiva i krea un kaminda alternativo pa hóbennan ku ta den peliger pa slep drenta kriminalidat i violensia. Bou di e lema “For di vulnerabel pa perspektiva”, a papia ku e hóbennan i nan mayornan tokante responsabilidat, seguridat, posibilidatnan pa futuro i hasi eskohonan positivo.
Durante e reunion, Gezaghebber John Soliano a enkurashá i motivá e hóbennan pa hasi eskoho positivo pa nan futuro.“Nos por hasi hopi pa boso, pero e desishon final ta keda na boso tambe. Boso por skohe pa sigui e kaminda korekto,” asina Gezaghebber a bisa.
Ademas, dos persona ku eksperensia propio (drop-outs) i dos polis di bario a kompartí nan historia i eksperensianan personal ku e públiko. Durante esaki a pone atenshon riba e konsekuensianan di violensia i kriminalidat, pero tambe riba e importansia di guia, sosten i oportunidatnan pa kambio. Plenchi di Trabou a duna e hóbennan konseho tokante posibilidatnan di trabou i estudio durante e enkuentro Kompas.
Promé a papia ku e hóbennan i nan mayornan. Despues un tim multidisiplinario di kuido a bai den kombersashon ku esnan presente. E tim tabata presente pa ofresé yudansa i guia adekuá mesora na hóbennan ku mester di sosten. En total, bintidos hóben a registrá pa e trayekto akí. Durante e enkuentro Kompas, a kolektá dato di e hóbennan akí. Despues di e enkuentro, lo diskutí huntu ku e instansianan envolví, e siguiente pasonan pa sostené e hóbennan pa kibra patronchinan negativo i krea oportunidatnan nobo pa nan futuro.
Ku e maneho konhunto aki, Entidat Públiko Boneiru, direktorado Komunidat i Kuido, i e partnernan envolví – FORMA, SGB, Akseso, Zorg en Veiligheidshuis, KPCN (polis di bario) i Voogdijraad – ke kontribuí na prevenshon di violensia ku arma di kandela bou di hóbennan i invertí den un futuro mas sigur pa Boneiru.
Van kwetsbaar naar perspectief
Op woensdag 4 juni organiseerde het Openbaar Lichaam Bonaire (OLB), in samenwerking met de justitiële keten een Kompas-bijeenkomst voor jongeren die als kwetsbaar of risicovol worden aangemerkt vanwege langdurig schoolverzuim, schooluitval en/of contact met justitie. De bijeenkomst vond plaats bij Jong Bonaire en bracht jongeren, ouders en professionals samen rondom het thema preventie van vuurwapengeweld onder jongeren.
De Kompas-bijeenkomst stond in het teken van het bieden van perspectief en het creëren van een alternatief pad voor jongeren die dreigen af te glijden richting criminaliteit en geweld. Onder het motto “Van kwetsbaar naar perspectief” werd met jongeren en hun ouders gesproken over verantwoordelijkheid, veiligheid, toekomstmogelijkheden en het maken van positieve keuzes.
Tijdens de bijeenkomst heeft de Gezaghebber John Soliano de jongeren aangemoedigd en gemotiveerd om positieve keuzes voor hun toekomst te maken. “Wij kunnen veel voor jullie doen, maar de uiteindelijke beslissing ligt ook bij jullie. Jullie kunnen ervoor kiezen de juiste weg te bewandelen,” aldus de Gezaghebber.
Daarnaast hebben twee ervaringsdeskundigen (drop-outs) en twee wijkpolities hun persoonlijke verhalen en ervaringen met het publiek gedeeld. Daarbij werd stilgestaan bij de gevolgen van geweld en criminaliteit, maar ook bij het belang van begeleiding, ondersteuning en kansen voor verandering. Plenchi di Trabou heeft tijdens de Kompas-bijeenkomst de jongeren advies gegeven over werk- en opleidingsmogelijkheden.
Eerst werden de jongeren en ouders toegesproken. Daarna ging een multidisciplinair zorgteam met de aanwezigen in gesprek. Dit team was aanwezig om jongeren die ondersteuning nodig hebben direct passende hulp en begeleiding aan te bieden. In totaal hebben 22 jongeren zich voor dit traject gemeld. Tijdens de Kompas-bijeenkomst werden gegevens van deze jongeren verzameld. Na de bijeenkomst worden samen met de betrokken instanties vervolgstappen besproken om jongeren te ondersteunen bij het doorbreken van negatieve patronen en het creëren van nieuwe kansen voor hun toekomst.
Met deze gezamenlijke aanpak willen het OLB, directie Samenleving en Zorg en de betrokken partners – FORMA, SGB, Akseso, Zorg en Veiligheidshuis, KPCN (Wijkagent) en Voogdijraad – bijdragen aan het voorkomen van vuurwapengeweld onder jongeren en investeren in een veiligere toekomst voor Bonaire.
