Gobièrnu di Boneiru 𝐁𝐚𝐧 𝐦𝐢𝐫𝐚 𝐛𝐞̀𝐤 𝐫𝐢𝐛𝐚 𝐞 𝐩𝐫𝐞𝐬𝐞𝐧𝐭𝐚𝐬𝐡𝐨𝐧 𝐝𝐢 ‘𝐏𝐫𝐨𝐭𝐞𝐡𝐚́ 𝐦𝐢’ 𝐭𝐨𝐤𝐚𝐧𝐭𝐞 ‘𝐚𝐧𝐜𝐢𝐞𝐧𝐭 𝐃𝐍𝐀’ – 𝟔 𝐝𝐢 𝐲𝐮̈𝐧𝐢 𝟐𝟎𝟐𝟔

Tin resultado nobo di investigashon genétiko (ancient DNA) di Boneiru su poblashon indígena.

Na momentu di ampliashon di e edifisio di skol di Komunidat di Skol Boneriano (SGB), Archol a ehekutá un investigashon arkeólogo riba eskala grandi na e sitio na Amboina. Nan a topa ku restu di vários maloka (kas) i deramentu den, rònt i bou di flur di e anterior bibiendanan akí di e poblashon indígena di Boneiru, e Caquetionan.

Bou di guia di dr. Kendra Sirak, Harvard University a ehekutá un investigashon genétiko (ancient DNA) di restunan humano na e sitio. Investigashon genétiko (ancient DNA) por ofresé konosementu nobo tokante e habitantenan indígena di Boneiru, manera informashon tokante migrashon i desendensia, relashonnan familiar den e komunidat di Caquetio, salú i posibel malesanan, i asta aspektonan di anterior patronchinan di alimentashon.

Danki na tur ku tabata presente na e presentashon unda a kompartí e konklushonnan nobo akí.

E programa kompleto di Luna di Emansipashon ta disponibel via https://shorturl.at/qem0h

𝑁𝑜𝑠 𝑝𝑎𝑠𝑎𝑑𝑜, 𝑛𝑜𝑠 ℎ𝑒𝑟𝑒𝑛𝑠𝑖𝑎

𝑁𝑜𝑠 𝑓𝑢𝑡𝑢𝑟𝑜, 𝑛𝑜𝑠 𝑜𝑏𝑟𝑎

Luna di Emansipashon a bira posibel ku sosten di Entidat Públiko Boneiru, Ministerio di Enseñansa, Kultura i Siensia i e Komishon di Konmemorashon di Pasado di Sklabitut.