Djadumingu 14 di yüni, den oranan di atardi, Kuerpo Polisial Hulanda Karibense a tene un akshon na un kas situá na Kaya Maria.

Djadumingu 14 di yüni, den oranan di atardi, Kuerpo Polisial Hulanda Karibense a tene un akshon na un kas situá na Kaya Maria.

Durante di e akshon tabatin dos detenshon i un entrada hudisial.

E promé detenshon ta en konekshon ku un investigashon pa violashon di Lei di Opio BES. A detené un hòmber di inisial K.B., di 31 aña di edat.

Mas lat a detené un di dos sospechoso, un hòmber di inisial E.A.B.K., di 23 aña di edat, tambe pa violashon di Lei di Opio BES.

Durante di e entrada hudisial a bin topa ku supstansianan probablemente narkótiko i tambe a konfiská diferente artíkulo relevante pa e investigashon.

Investigashon den e kaso aki ta kontinuá.