KUERPO POLISIAL KÒRSOU 

KOMUNIKADO DI PRENSA

178/2026 14 yüni 2026 

Turista reskatá for di riba baranka 

Den oranan di anochi di djabièrnè 12 di yüni 2026, algu despues di 21.00’or,  Sentral di Polis a risibí informashon ku un hòmber turista ku for di 15.30’or a  sali for di unda e ta keda pa bai kana i eksplorá naturalesa, no a regresá. 

Su konosínan mes a sali en buska di dje i alrededor di 22.00’or, huntu ku  unidat di warda di polis di Barber nan a tende e hòmber su stèm den e área di  vlakte di San Pedro, pero no por a mira ku eksaktitut na unda e ta. 

Un Unidat di Politur tambe a keda dirigí na e sitio pa por a yuda ku búskeda di  e hòmber aki. 

Mester a pidi presensia di helikòpter di Wardakosta pa a duna un man den  búskeda di e hòmber ku a desorientá, debí na e echo ku e no ta konosí ku e  área i tabata bastante sukú. 

Na momentu ku e helikòpter a presentá, a señalá e hòmber turista i a logra  saké for di riba e baranka i transport’é pa e base na Hato. 

Ku ambulans el a keda transportá pa Sala di Emergensia di C.M.C. pa atenshon médiko.