Sta Rosa ta ricibí e “Bala di Kurashi” djarason aki.

Despues di a move den Breedestraat Punda i Boka Sami, e Bala di Kurashi lo yega na Sta Rosaweg Djarason aki.

Nos ta invita tur habitante di Sta Rosa i henter Kòrsou pa bin forma parti di e momento speshal aki, kaminda tur persona por firma e bala i skibi nan deseo, speransa i palabranan di ánimo pa nos selekshon nasional den nan biahe histórico.

E Bala di Kurashi ta representá e Sonjo, Orgullo i Unidat di nos pueblo. Kada mensahe skibi riba e bala ta un muestra ku Kòrsou ta para uní tras di nos héroenan.

Bin huntu ku famia i amigonan i manda un mensahe di amor i sosten pa nos selekshon.

Lugar: Grill & Chill Sta Rosaweg

Fecha: Djarason

Ora: 5pm pa 8pm

Firma e Bala di Kurashi. Skibi bo deseo.