KUERPO POLISIAL KÒRSOU 

KOMUNIKADO DI PRENSA

198/2026

30 yüni 2026 

Dos detenshon pa violashon di lei di arma di kandela 

Djaluna 29 di yüni 2026 alrededor di 00.05’or, personal di U.S.T. a hasi dos  detenshon relashoná violashon di lei di arma di kandela. 

Durante di patruyahe riba Dominico F. ‘Don’ Martina Boulevard, e unidat a  topa dos hòmber den un vehíkulo ku tabata aktua di forma sospechoso. Na momentu ku e unidat kier a bai kontrolá e hòmbernan, nan a kore bai for di  e sitio. 

Mesora a start un persiguishon. 

Na altura di Sta. Rosaweg e hòmbernan aki a aksidentá ku e vehíkulo. Seguidamente a tene un kontròl den e vehíkulo. 

Durante di e kontròl a haña i konfiská dos arma di kandela. 

Na e sitio a detené e dos hòmbernan J.J.E.A.C. di 18 aña i G.D.M.M. di 20 aña  di edat, ámbos nasé na Kòrsou. 

A presentá e duo dilanti di un fiskal ouksiliar ku a ordená su enkarselamentu  pendiente di mas investigashon.