KUERPO POLISIAL KÒRSOU 

 

KOMUNIKADO DI PRENSA

200/2026

1 yüli 2026 

Detenshon relashoná ku violashon di lei di arma di kandela 

Djamars 30 di yüni 2026 alrededor di 19.30’or, Sentral di Polis a risibí informashon  ku un vehíkulo den kua tabatin un of mas okupante, a pasa i lòs tiru den área di  Haitiweg. 

Un unidat di warda di polis di Rio Canario i UST a keda dirigí pa e sitio. 

Na momentu ku e unidatnan a yega, nan a topa ku un persiguishon entre dos  vehíkulo. 

Despues e unidat tambe a start un persiguishon tras di e dos vehíkulonan aki. Durante di e persiguishon na altura di Sto. Domingoweg un di e vehíkulonan a  aksidentá den un otro outo ku tabata stashoná kantu di kaminda. 

Dos di e tres sospechosonan a logra baha for di e vehíkulo i a hui bai na pia i un di  nan a tira un arma di kandela den un kurá di kas. 

Durante di investigashon mas despues den e mesun área, polis a haña un di dos  arma di kandela i a konfiská esakinan. 

Na e sitio a detené e hòmber J.C. di 43 aña di edat nasé na Kòrsou, relashoná ku e  kaso ariba menshoná. 

Personal di reshèrshi táktiko i forensiko a presentá na e sitio i a kuminsá mesora ku e  investigashonnan. 

A presentá e sospechoso dilanti di un fiskal ouksiliar, ku a ordená su enkarselamentu  pendiente di mas investigashon.