KUERPO POLISIAL KÒRSOU 

 

KOMUNIKADO DI PRENSA

206/2026

4 yüli 2026 

Morto den tráfiko 

Djasabra 4 di yüli 2026 alrededor di 06.14’or, Sentral di Polis a risibí informashon di un aksidente serio ku a tuma lugá riba Kaya Grote Berg.  Mesora a dirigí unidat di Barber na e sitio. 

Na yegada, polis a konstatá ku un vehíkulo a aksidentá kontra di un pilá di un  kurá di kas. 

A konsekuensia di e dalmentu aki, e shofùr di sekso maskulino, a keda  gravemente heridá. 

Mesora a pidi presensia di ambulans ku a transportá e víktima ku urgensia pa  Sala di Emergensia di C.M.C. 

For di investigashon a sali na kla, ku pa motibu te ainda deskonosí, e shofùr  nèt den un bògt, a kore i dal kontra di e kurá di kas. 

Den oranan mas lat di mainta a drenta informashon na Sentral di Polis, ku e  víktima di e aksidente, e hòmber Roderick Randee Windster, nasé dia 26 di  mei 1987 na Hulanda, a fayesé a konsekuensia di e heridanan ku el a sufri  durante di e aksidente. 

Personal di Departamentu di Tráfiko ta kontinuá ku e investigashon.