Selekshon di Kòrsou ta kla pa representá Kòrsou na Mundial di Ekitashon na Repúblika Dominikana di 15 pa 19 di yüli próksimo.

Selekshon di Kòrsou ta kla pa representá Kòrsou na Mundial di Ekitashon na Repúblika Dominikana di 15 pa 19 di yüli próksimo.

 

Willemstad, Kòrsou – 6 di yüli 2026 

Aspafiko a tene un enkuentro den fin di siman pa hasi entregá di ünifòrm i asesorionan na su selekshon di 26 atleta ku lo bai sali pa Repúblika Dominikana i representá nos dushi pais Kòrsou den un Mundial di Ekitashon.

Aki e Atleta nan lo monta nan kabai i hasi pruebanan reglamentario pa finalmente e wesnan saka e ganadónan den e diferente kategorianan.

E mundial aki lo bai tuma luga riba dianan di 15 pa 19 di yüli huntu ku partisipashon di 9 otro pais nan manera Merka, Colombia, Venezuela, Ecuador, Puerto Rico, Canada, Aruba, Panama i Repúblika Dominikana ku kada dos aña ta biní huntu pa partisipá den un tremendo Mundial di Ekitashon. 

Presidente di Aspafiko Alfonso Zinhagel huntu ku su team a tene un enkuentro ku e selekshon djasabra último 4 di yüli na Harbor Restaurant i akinan después di un tremendo desayuno a duna algun palabra di motivashon i pa despues hasi entrega di tur e asesorionan i tambe algun produkto nesesidat pa e Atlétanan aki por biaha kuné i ta bon representá. 

Aspafiko, ku ta un nòmber konosí den e deporte di kabai pa hopi aña, ta stimulá grandi i chikí pa forma parti di e deporte i sera konosí ku e mundu kabayista. 

Ku hopi entusiasmo Direktiva ta invitá pueblo di Kòrsou kompletu pa siguí nos den e trayektoria aki atraves di nos página di Facebook i Instagram paso e efektonan di Blue Wave lo bai siguí manifestá su mes na Repúblika Dominikana!!! 

Pa mas informashon: +5999 6620521 (Alfonso Zinhagel, presidente)

Email: aspafiko@gmail.com

FB: aspafikocuracao