Detenshon pa ladronisia di piesa di outo
KUERPO POLISIAL KÒRSOU
KOMUNIKADO DI PRENSA
210/2026
7 yüli 2026
Detenshon pa ladronisia di piesa di outo
Relashoná ku un ladronisia di piesa di auto ku a tuma lugá entre 31 di mei 2026 i 1 di yüni 2026 den Geleenstraat, polis a hasi un detenshon.
Djamars 7 di yüli 2026 alrededor di 12.10, personal di e tim ku ta investigá ladronisia di vehíkulo, a detené e hòmber A.W.F. di 20 aña di edat nasé na Kòrsou, relashoná ku e ladronisia ariba menshoná.
Su detenshon a tuma lugá na un kas riba Mahumaweg.
Despues di e detenshon a haña i konfiská un bùmper ku ta prosedente di ladronisia, pegá na un vehíkulo den e kurá di kas.
A presentá e sospechoso dilanti di un fiskal ouksiliar, ku a ordená su enkarselamentu pendiente di mas investigashon.

