Detenshon pa violashon di e lei di arma di kandela
KUERPO POLISIAL KÒRSOU
KOMUNIKADO DI PRENSA
208/2026
7 yüli 2026
Detenshon pa violashon di e lei di arma di kandela
Den oranan di atardi di djaluna 6 di yüli 2026, Sentral di Polis a risibí
informashon ku okupantenan di un vehíkulo tabata den poseshon di un arma di kandela.
Mesora Sentral di Polis a notifiká unidatnan ku tabata riba kaya pa pone atenshon riba e vehíkulo aki.
Algun ratu despues, alrededor di 16.57’or, unidatnan a bin topa ku e vehíkulo riba F.D. Rooseveltweg i a par’é pa hasi kontròl riba dje.
Den e outo e bin enkontrá ku un arma di kandela ku a keda konfiská.
Na e sitio polis a detené e hòmbernan:
➢ A.J.V.R. di 24 aña di edat;
➢ F.A.C.U. di 41 aña di edat;
➢ G.R. de L. R. Di 38 aña di edat;
➢ J.J.R.Q. di 21 aña di edat, tur kuater nasé na Venesuela.
A presentá e kuarteto dilanti di un fiskal ouksiliar, ku a ordená su
enkarselamentru pendiente di mas investigashon.
Kuerpo Polisial ke gradisí siudadanonan atento ku ta tuma nota di
situashonnan sospechoso i ku ta pone outoridat mesora na altura di esaki. Danki pa yuda nos aportá na un isla mas sigur, liber di arma di kandela. Ta huntu so nos por logra esaki.

