Willemstad – Riba djarason 29 yüli 2026 pa 10or di mainta lo tuma lugá un findishi riba petishon di Ministerio di Tráfiko, Transporte i Planifikashon Urbano (VVRP). Lo bende vehíkulonan di motor ku no ta den uso mas. Tin un gran kantidat di outo i ‘pick-up’ di diferente marka.

E benta ta estilo “as is where is” i lo tuma lugá na Bellisimaweg 7 pegá ku LVV. Lo por mira e vehíkulonan na benta na Servisio pa Obra Públiko (OW) na Parera, i na GGD den Mundu Nobo na Piskaderaweg 49.

Por wak e vehíkulonan riba djaluna 27 yüli 2026 di 9or di mainta pa 4or di atardi, i riba djamars 28 yüli 2026 di 9or di mainta pa 12or di mèrdia.

Bestèk:

E bestèk pa por partisipá na e findishi ta na rason di 25XCG, i ta optenibel for di djarason 22 yüli na lokèt di OW na Landhuis Parera di 8or di mainta pa 12or di mèrdia, i di 2or pa 4or di mèrdia.

Deurwaarder lo ta enkargá ku e benta!