Detenshon pa ladronisia di skuter 

KUERPO POLISIAL KÒRSOU 

KOMUNIKADO DI PRENSA

226/2026

17 yüli 2026 

Detenshon pa ladronisia di skuter 

Djárason 15 di yüli 2026 alrededor di 12.15’or, e tim ku ta enkargá ku  investigashon di ladronisia di vehíkulo a hasi un detenshon. 

Kontinuando ku investigashon relashoná ku ladronisia di dos skuter ku a tuma  lugá den Telamonstraat, e tim enkargá ku e investigashon a detené e hòmber  G.G.B. di 17 aña di edat nasé na Kòrsou. 

Su detenshon a tuma lugá den área di un sentro komersial na Veeris. Durante di e ladronisia e malechornan a bai ku pòtmòni i nan a hasi uso di un  karchi di bankomatiko kaminda tabata ‘tap’ esaki na varios toko. 

No ta ekskluí mas detenshon den e kaso aki. 

A presentá e sospechoso dilanti di un fiskal ouksiliar, ku a ordená su  enkarselamentu pendiente di mas investigashon.