Presidente di Korte Komun di Hustisia a hasi bishita serka Presidente di Parlamento di Kòrsou.

Djamars, 21 di yüli 2026, Presidente di Parlamento, sr. Fergino Brownbill, a risibí bishita di kortesia di Presidente di Korte Komun di Hustisia, sr. Sigmar Carmelia.

Durante e enkuentro, a interkambia di pensamentu tokante diferente asuntonan di interes komun.

Na final di e bishita, Presidente di Parlamento, sr. Fergino Brownbill, a entregá sr. Sigmar Carmelia un regalo simbóliko komo rekordatorio di su promé bishita ofisial komo Presidente di Korte Komun na Parlamento di Kòrsou.

Sr. Carmelia a kedá huramentá 11 di mei 2026, komo e Presidente nobo di Korte Komun di Hustisia.