KUERPO POLISIAL KÒRSOU 

KOMUNIKADO DI PRENSA

237/2026

29 yüli 2026 

Detenshon relashoná ku ladronisia den kas 

Djaweps 29 di yüli 2026, alrededor di 04.05’or, Sentral di Polis a risibí  informashon ku tin un kiebro ta tumando lugá den un kas den Villapark Zuurzak. 

Na yegada di e unidat, ya e sospechoso òf sospechosonan a bandoná e sitio. Despues di un búskeda den Sorsaka, polis a topa ku un hòmber sospechoso  den un vehíkulo sintá. 

Den e outo den kua e hòmber tabata, polis a topa diferente hermènt ku sa  wòrdu usá pa kometé kiebro i tambe un kantidat di droga. 

Mesora polis a detené e sospechoso i a konfiská e vehíkulo. 

Ta trata di e hòmber J.J.G. di 24 aña di edat nasé na Kòrsou. 

A presentá e sospechoso dilanti di un fiskal ouksiliar, ku a ordená su 

enkarselamentu pendiente di mas investigashon.