KUERPO POLISIAL KÒRSOU 

 

KOMUNIKADO DI PRENSA

238/2026

30 yüli 2026 

Detenshon relashoná ku atrako 

Kontinuando ku investigashon den dos kaso di atrako ku a tuma lugá den luna di  yüni 2026 den dos kas, unu den Komkommerweg i e otro den Kaya Chi ku Cha, e  Tim di Atrako a hasi un detenshon. 

Djárason 29 di yüli 2026 alrededor di 11.45’or, polis a hasi detenshon di e hòmber J.A.L. di 25 aña di edat nasé na Kòrsou, relashoná ku e kaso ariba menshoná. Su detenshon a tuma lugá riba Paseo Koraalspecht. 

A presentá e sospechoso dilanti di un fiskal ouksiliar ku a ordená su enkarselamentu  pendiente di mas investigashon.