Kooperativa KEP i All To Car Curaçao ta inisia kolaborashon pa finansiamentu di outo

 

 

Kooperativa KEP i All To Car Curaçao ta inisia kolaborashon pa finansiamentu di outo

Willemstad, 30 di yüli 2026 – Kooperativa KEP i All To Car Curaçao a anunsiá ofisialmente nan kolaborashon awe durante un konferensha di prensa. Pa medio di e kolaborashon aki, sosionan di KEP por finansiá un outo serka All To Car Curaçao ku un interes fiho di 5,4% pa aña i un periodo di pago di maksimal 72 luna.

“Ku e kolaborashon aki nos ke yuda nos sosionan haña transporte konfiabel di un manera aksesibel i finansieramente responsabel,” segun Earlrich Lourens, Managing Director di Kooperativa KEP.

“Kombinando nos konosementu di merkado di outo ku e servisio finansiero di KEP, nos por guia sosionan mihó den buska i finansiamentu di un outo adekuá,” segun Dennis Brouwer, Managing Director di All To Car Curaçao.

Dia 29 di ougùstùs 2026 lo tin un autoshow na KEP pa sosionan interesá. Den e simannan benidero KEP lo publiká mas informashon tokante e programa i orario via su kanalnan di komunikashon.

Bo no ta sosio di KEP ainda? Bo por inskribí digitalmente via www.kep.cw. Yena e formulario digital i karga e siguiente dokumentonan via e portal:

• kopia di un dokumento di identifikashon válido;
• prueba di adrès;
• karta di trabou.

Tur petishon di fiansa ta suheto na e kondishonnan vigente di krédito, evaluashon di krédito i aprobashon final di KEP.