KUERPO POLISIAL KÒRSOU 

 

KOMUNIKADO DI PRENSA

241/2026

31 yüli 2026 

Duo sospechoso riba tereno sin outorisashon detené 

Djabièrnè 31 di yüli 2026 alrededor di 10.25’or, Sentral di Polis a dirigí unidat  di warda di polis di Montaña pa Bentaweg, pa un vehíkulo sospechoso ku a  subi tereno di un kas di kua e okupantenan tabatin menos bon intenshon. Na momentu ku e okupantenan a keda deskubrí dor di e habitantenan di e  kas, nan a move for di e sitio. 

Un unidat di Politur ku tabata riba Cadushistraat, djis despues a tuma nota di e  vehíkulo aki i a duna e shofùr òrdu pa para. 

E shofùr a ninga esaki i a sigui kore den direkshon di Porta Blanku. 

Seguidamente e shofùr a drenta Sesamstraat, kaminda tur e kuater  okupantenan a baha for di outo i kore drenta mondi. Un di e hòmbernan  tabatin algu pretu den su man durante di su huida. Motibu pa kua e unidat a  lòs un tiru di atvertensia pa e kuarteto para.  

Patras di un rancho, personal di Politur i polis, a logra detené dos di e kuater  sospechosonan, e hòmbernan S.R.H.F di 22 aña di edat i R.A.D. di 25 aña di  edat, ámbos nasé na Kòrsou. Alabes a konfiská e vehíkulo pa mas  

investigashon. 

A presentá e sospechosonan dilanti di un fiskal ouksiliar.