Kalendario aktividat kultural i konmemorativo 2026

Tene Kuenta ku e Próksimo Aktividatnan Kultural i Konmemorativo di 2026

WILLEMSTAD – Sektor di Kultura i Deporte ku ta forma parti integral di Ministerio di Enseñansa, Siensia, Kultura i Deporte (ESKD) ta invitá pueblo di Kòrsou pa tene kuenta ku e siguiente aktividatnan konmemorativo i kultural den e último parti di 2026. 

KALENDARIO INFORMATIVO AKTIVIDAT KULTURAL

• 17 di ougùstùs– Dia di Lucha pa Libertat, aktividat na Parke Lucha pa Libertat for di 5:00 p.m., na honor di Tula i su kompañeronan. 
• 27 di sèptèmber te ku 4 di òktober – Siman di Kultura 2026, ku e tema “Di Kòrsou pa Mundu”. E siman ta pone sentral kon nos kultura, talento i identidat ta traspasá frontera i kontribuí na mundu. 
• 3 di òktober–Konmemorashon di e Matansa di e Luchadónan pa Libertat. Dia pa para ketu i honra e sakrifisio di Tula i su kompañeronan, e héroenan di 1795, den nan lucha pa libertat. 
• 10 di òktober – Dia di PaisKòrsou, ku e tema “E Karibe ku ta Uni Nos”, resaltando e relashonnan históriko, kultural i futuro ku ta konektá Kòrsou ku e region 
• 15 te ku 22 di novèmber – Siman di Ka’i Òrgel, ku diferente aktividatnan pa promové i preservá e tradishon úniko di Ka’i Òrgel. 
• 15 di desèmber– Konmemorashon Dia di Outonomia / Dia di Dr. Moises Frumencio da Costa Gomez, pa rekordá su legado pa Kòrsou. 
• 31 di desèmber– Ban Tende Tiru den Union na Plasa Brion, un momentu kultural pa sera e aña den union. 

 Sektor di Kultura i Deporte ta invitá tur organisashon i pueblo pa prepará i nota e fechanan aki den nan agènda i partisipá aktivamente den e aktividatnan aki.

Huntu nos ta sigui fortalesé nos identidat i nos patrimonio kultural.