𝗟𝗔𝗗𝗥𝗢𝗡𝗜𝗦𝗜𝗔 𝗗𝗜 𝗘𝗞𝗜𝗣𝗢 𝗛𝗜𝗗𝗥Ó𝗨𝗟𝗜𝗞𝗢 𝗗𝗜 𝗕𝗥𝗔𝗡𝗧𝗪𝗘𝗥 𝗕𝗔𝗥𝗕𝗘𝗥 𝗡𝗔 𝗙Ò𝗡𝗧𝗘𝗜𝗡

𝗟𝗔𝗗𝗥𝗢𝗡𝗜𝗦𝗜𝗔 𝗗𝗜 𝗘𝗞𝗜𝗣𝗢 𝗛𝗜𝗗𝗥Ó𝗨𝗟𝗜𝗞𝗢 𝗗𝗜 𝗕𝗥𝗔𝗡𝗧𝗪𝗘𝗥 𝗕𝗔𝗥𝗕𝗘𝗥 𝗡𝗔 𝗙Ò𝗡𝗧𝗘𝗜𝗡

WILLEMSTAD; – Den oranan di mardugá di djadumingu 2 di ougùstùs 2026, deskonosí nan lo mester a bai ku ekipo di reskate hidróuliko for di un di e vehíkulonan di Brantwer ku ta stashoná na Pòst Fòntein.

E ekipo aki ta sumamente importante i indispensabel pa Brantwer por ehersé su trabou di reskatá personanan ku ta enbolbí den aksidentenan i otro situashonnan kompliká i di peliger.

Polis ta hasi un yamada na tur persona ku tin informashon tokante e ladronisia aki pa tuma kontakto ku Polis mesora na 917 òf pa yama e liña anónimo 108.

Ademas, Polis ke apelá na doñonan di negoshi pa ta èkstra alerta. Ekiponan di e tipo aki ku ta wòrdu hòrtá hopi bia ta wòrdu usá pa kometé kiebronan na lokalidatnan kaminda tin propiedat di hopi balor.

Polis ta konta riba koperashon di komunidat pa yuda den e investigashon i pa logra rekobrá e ekipo ku ta di gran importansia pa salba bida.

Pa motibu ku e investigashon ta den pleno desaroyo, Brantwer Kòrsou no lo por duna mas komentario ni deklarashon tokante e ladronisia aki na e momentu aki.