KUERPO POLISIAL KÒRSOU  

KOMUNIKADO DI PRENSA

243/2026

2 ougùstùs 2026 

Dama ta kai for di trapi di apartamentu 

Djasabra 1 di ougùstùs 2026 alrededor di 20.14’or, Sentral di Polis a risibí informashon ku un dama a kai for di trapi di un apartamentu riba F.D.  Rooseveltweg. 

Na yegada di e unidat, el a topa e víktima ku sla na kabes i doló rònt di su  kurpa. 

A pidi presensia di ambulans na e sitio, ku a transportá e dama ku urgensia pa  Sala di Emergensia di C.M.C. 

Investigashon den e kaso aki ta kontinuá.