Parlamento di Kòrsou ta kuminsá ku Trabounan i Preparashon di Reunion Solèm pa apertura aña Legislativo 2026-2027.

Djamars 4 di ougùstùs 2026, Grefir di Parlamento sr. Silvin Cijntje a presidí e reunion ku e servisionan, departamentonan i kuerponan manera KPC, Marina Real, VKC, LBD, Drumband KPC i DMO, pa duna inisio na e trabounan preparativo di tur aña, pa e Reunion Solèm di Parlamento di Kòrsou dia 8 di sèptèmber 2026, kana di un manera digno.

Tur aña riba e di dos djamars di sèptèmber, Parlamento di Kòrsou ta inisiá apertura di su aña Legislativo nobo. Aparte di e seremonia ofsial, minister di Finansa ta hasi entrega di e konsepto di presupuesto di Pais, na Presidente di Parlamento.

E preparashon aki ta un esfuerso kolektivo ku ta reflehá dedikashon di tur involukrá, pa hasi e apertura di aña Legislativo un evento digno, organisá i representabel.