Como parti di e renobacion, tres di e mashinnan di ehercicio existente cu tabata den mal estado a haya mantencion completo, mientras cu a instala cuater mashin completamente nobo pa amplia e facilidad. E mashinnan nobo ta inclui ekipo pa train cu peso, dunando nos localnan y bishitante mas opcion pa haci actividad fisico den un ambiente publico, moderno y accesibel.

“E inversion aki no ta solamente den ekipo. Ta un inversion den salud, bienestar y calidad di bida di nos comunidad. Nos kier pa tur persona cu ta cana, core of bishita Linear Park por tin acceso na un espacio unda nan por move, haci ehercicio y disfruta di un estilo di bida activo,” di Turismo, Transporte y Labor, mr. Wendrick Cicilia, a indica.

Cu e renobacion aki, Linear Park awo ta conta cu un outdoor gym moderno y funcional, cu ta responde n’e necesidadnan cu e comunidad mes a expresa y cu ta crea mas oportunidad pa henter comunidad haci uzo di un espacio publico pa mantene un bida activo y saludabel.