TORNEO KOPA KÒRSOU 2026 TA KLA PA RANKA SALI AWE ANOCHI 12 DI OUGÙSTÙS 2026!
TORNEO KOPA KÒRSOU 2026 TA KLA PA RANKA SALI AWE ANOCHI 12 DI OUGÙSTÙS 2026!
Despues ku e promé edishon di Kopa Kòrsou 2025 tabata unu éksitoso, Kopa Kòrsou 2026 ta kla pa ranka sali mañan anochi 9’or den Stadion Rignaal ‘Jean’ Francisca i Stadion Dr. Antoine Maduro.
E biaha aki Kopa Kòrsou lo inisiá ku un fase eliminatorio kaminda 9 ekipo di Kampionato FFK Terser Divishon lo kompetí pa klasifiká pa e segundo fase di Kopa Kòrsou.
Lo forma 3 pul di 3 klup p’asina saka 4 klup ku lo klasifiká pa e segundo fase, huntu ku e klupnan di Kampionato FFK Promé i Segundo Divishon. E ganadó di kada pul i e mihó number 2, lo klasifiká pa e fase 2.
E 9 klupnan ku lo partisipá na fase eliminatorio pa Kopa Kòrsou 2026 ta lo siguiente;
- FC Inter
- Wishi Marchena
- C-Stars United
- CIU
- Astros De Colombia
- West Wolf United
- Haitian Union Klup
- Stallions FC
- De Koning
Skema pa e promé siman di Kopa Kòrsou;
| Stadion | Fecha | Orario | Tim di kas | Bishitante |
| Antoine Maduro | 12-8-2026 | 21:00 | C-Stars United | De Koning |
| Rignaal Francisca | 12-8-2026 | 21:00 | Haitian Union Klup | Wishi Marchena |
| Antoine Maduro | 13-8-2026 | 21:00 | FC Inter | West Wolf United |
Despues ku e fase di eliminatorio aki konkluí, e segundo fase ta kuminsá dia 28 di ougùstùs ku e ekiponan di Kampionato FFK Promé i Segundo Divishon.
Den e promé fase di weganan tur partido ta kompletamente grátis pa pueblo di Kòrsou kompletu por disfrutá di tur e partidonan aki.
Un i tur ta keda kordialmente invitá pa presensiá e partidonan di Kopa Kòrsou 2026 ku lo inisia 12 di ougùstùs 2026 na Stadion Rignaal ‘Jean’ Francisca i Stadion Dr. Antoine Maduro pa 9’or di anochi!
12 ougùstùs 2026
