Un anochi di múika, kultura i nos propio historia pa sostené pelíkulanan na Papiamentu
Un anochi di múika, kultura i nos propio historia pa sostené pelíkulanan na Papiamentu
WILLEMSTAD — Krioyo Film Foundation ta invitá pueblo di Kòrsou pa un anochi spesial yen di músika, talento i kultura, ku un meta importante: apoyá e desaroyo di pelíkulanan na Papiamentu.
Esaki lo tuma lugá djaluna 17 di ougùstùs 2026, riba e Barku Freewinds ku lo bira e esenario pa un Fundraising Concert organisá pa Krioyo Film Foundation. E entrada ta xcg 35 i e porta ta habri for di 7:30 di anochi. E evento ta kaba pa 9:30 di anochi.
E anochi lo tin presentashonnan di:
- Yumayra Grijt
- Kadir Snijder
- Boy Thode
- The Freewindsband
E konsierto ta mas ku solamente un anochi di entretenimiento. E ta un oportunidat pa nos huntu invertí den nos propio kultura i den e manera kon nos ta konta nos historianan.
Krioyo Film Foundation ta traha pa stimulá i desaroyá produkshonnan audiovisual den Papiamentu, pa nos historianan, nos kultura i nos kustumbernan por haña un lugá riba pantaya grandi.
️ Karchinan ta optenibel awor
E karchinan ta xcg 35 i por haña nan na Mensing’s Caminada.
Pa mas informashon, reserva òf kumpra bo karchi, yama òf manda un WhatsApp na:
511-1603
529-7508
Ku bo kontribushon, bo ta yuda Krioyo Film Foundation sigui invertí den produkshonnan di pelíkula na Papiamentu i den e preservashon di nos historia, kultura i kustumbernan.
Bini disfrutá un anochi di talento i músika, i na mes un momentu kontribuí na nos propio sine.
Krioyo Film Foundation
Un kontribushon pa desaroyá pelíkula na Papiamentu.
