35 CHAUFFEUR A HAYA BOET DURANTE CONTROL DI TRAFICO NA SAN NICOLAS

San Nicolas, ARUBA: Diamars atardi polis di districto di San Nicolas hunto cu e Unidad Motorisa a tene un control den trafico na altura di Winter Garden na Savaneta. Durante e control 35 chauffeur a haya boet bastante cayente. Un chauffeur mes a comete varios infraccion den trafico cu a resulta cu e la ricibi un boet basta halto.

E boetnan reparti tabata entre otro:

No tabatin un rijbewijs valido,

No tabatin keuringskaart na ordo,

Falta di pago di impuesto di vehiculo di motor,

No tin seguro valido,

Luz dilanti defecto.

Cuerpo Policial ta keda enfatisa cu e controlnan lo keda tuma lugar y den tur districto. Ta haci un apelacion na tur automobilista pa percura pa tur documento di vehiculo di motor ta na ordo y pa cumpli cu e reglanan di trafico.

Un trafico sigur ta responsabilidad di nos tur.