𝐓𝐫𝐞𝐬𝐞 𝐧𝐨𝐬 𝐡𝐮𝐛𝐞𝐧𝐭𝐮𝐭 𝐦𝐚𝐬 𝐬𝐞𝐫𝐤𝐚 𝐝𝐢 𝐞 𝐩𝐫á𝐤𝐭𝐢𝐤𝐚

12 di ougùstùs ta “International Youth Day”, un dia ku ta pone atenshon riba e importansia di hubentut i nan papel den futuro. Ku e importansia di hubentut na mente, Promé Minister Gilmar Pisas a invitá e hóbennan ku aktualmente ta traha komo “vakantiekracht” na Kabinet di Promé Minister pa akompañ’é na lansamentu di Tourism & Health Program Curaçao.

Un bon oportunidat pa nan mira di serka kon diferente sektor ta traha huntu pa protehá salú públiko i fortalesé turismo, un di e pilárnan importante di nos ekonomia.

Invertí den hubentut no ta solamente duna nan un oportunidat di trabou, sino tambe eksponé nan na eksperensianan ku ta amplia nan konosementu i inspirá nan pa futuro.