Durante CANTO 2026, minister Charles Cooper tabata presente na e “panel discussion“ “Data Infrastructure and Data Sovereignty”

E mensahe tabata sentral: Karibe mester tin mas kontrol riba su propio futuro digital!

Pa logra esaki, ta importante pa konektá datacenter nan, kabelnan submarino, fibra óptika, platformnan cloud i otro infrastruktura regional. Alabes, seguridat sibernetiko, protekshon di data i kontinuidat di servicio mester ta inkorporá for di prinsipio.

Invershon den infrastruktura digital mester tambe krea konosementu, trabou i inovashon lokal.

Pa Kòrsou, esaki ta un oportunidat konkreto pa fortalesé Blue NAP Americas, mehorá seguridat i redundansia di konektividat, protehá data sensitivo i posishoná nos isla komo un hub digital sigur i konfiabel den Karibe. Asina, digitalisashon no ta solamente nifiká konektá ku mundu, sino tambe mantené kontrol riba nos propio data, ekonomia i futuro digital.