Spich di Minister di Enseñansa na apertura di aña Eskolar 2026 – 2027 – Toespraak Minister van Onderwijs – Opening Schooljaar 2026–2027

Dama i kabayero, nos alumnonan, mayornan, maestronan, personal no dosente, direktornan y tur ku di un forma of otro ta traha den nos sistema di enseñansa,

Awe nos ta habri huntu e aña eskolar 2026–2027. Un aña nobo yen di oportunidat, ambishon y momentunan kaminda nos mucha nan lo krese, deskubrí y desaroyá tur talento ku nan tin. Kada aña eskolar ta un kuminsamentu nobo, un aña kaminda no solamente nos ta mira dilanti, pero tambe nos ta tuma paso konkreto pa hasi nos enseñansa mas fuerte, mas inklusivo y mas kla pa futuro.

• Enseñansa ta e base riba kua Kòrsou ta konstruí su futuro.
• Ta e maestro ku tur dia ta para dilanti ku dedikashon.
• Ta e mucha ku ta yega skol ku kuriosidat y ta sali ku konfiansa.
• Ta e mayor ku ta apoyá, ta kere den su mucha y ta traha huntu ku skol.
• Y ta e komunidat ku ta komprendé ku invertí den enseñansa ta invertí den nos isla mes.

E aña eskolar aki nos ta sigui tuma paso pa fortalesé kalidat di nos enseñansa. Nos ta invertí den formashon profeshonal, material moderno, skol mas sigur y un relashon mas fuerte entre skol, kas i komunidat. Pasobra kada mucha meresé un skol kaminda e ta sinti ku e ta mira, e ta tende y e ta wòrdu stimulá pa krese.

Mi ke tuma un momentu pa papia spesialmente tokante nos enseñansa spesial. E parti aki di nos sistema di enseñansa ta un fuente di kreatividat, balentia i forsa. Nos alumnonan den enseñansa spesial ta mustra nos tur dia kiko perseveransia ta nifiká. Nan meresé enseñansa ku ta apoyá nan, ta stimulá nan i ta laga nan bria.

P’esei awe mi kier kompartí ku bosnan un momentu hopi importante den nos sistema di enseñansa spesial;

Dia 28 di ougùstùs próksimo, den un seshon públiko di Parlamento, lo wòrdu trata e Lès di Enseñansa Spesial.

Esaki ta un paso fundamental pa modernisá, rekonosé y fortalesé enseñansa spesial na Kòrsou. Ta un señal ku nos, ta skohe pa inklushon, pa oportunidat igual y pa un sistema kaminda kada mucha sin importansia su reto of limitashon i kaminda e mucha tin derechi riba enseñansa di kalidat ku ta konektá ku su nesesidatnan.

Esaki no ta solamente un paso di polítika; ta un eskoho sosial.

Un eskoho pa humanidat, pa hustisia y pa futuro di nos mucha nan i pa huntu nos  konstruí futuro pa nos sistema di enseñansa spesial.

Maestronan, boso ta e motor di nos sistema di enseñansa. Den bosonan nos ta pone futuro di Kòrsou. Mi ta gradisí boso pa boso esfuerso, boso pasenshi y boso amor pa e profeshon.

Mayornan, boso ta nos partner. Enseñansa ta traha solamente ora skol y kas ta traha huntu. Mi ta invitá boso pa sigui kontribuí, pensa huntu y konstruí huntu.

Y na nos alumnonan: e aña aki ta di boso. Soña grandi, purba, krese. Kòrsou ta kere den boso.

Ku orguyo, konfiansa y determinashon, mi ta deklará aña eskolar 2026–2027 ofisialmente habrí.

Laga nos traha huntu pa ku e aña aki bira un aña kaminda kada mucha, sin importá su situashon sosial, talento of reto tin oportunidat pa floresé.

Un bon aña eskolar pa tur hende.

Masha danki.

 

---

Dames en heren, beste leerlingen, ouders, leraren, schoolleiders en alle partners in ons onderwijssysteem,

Vandaag openen wij samen het schooljaar 2026–2027. Een nieuw jaar vol kansen, ambities en momenten waarop onze kinderen zullen groeien, ontdekken en hun talenten verder zullen ontplooien. Elk schooljaar is een nieuw begin, maar dit jaar voelt als een mijlpaal. Een jaar waarin we niet alleen vooruitkijken, maar ook concrete stappen zetten om ons onderwijs sterker, inclusiever en toekomstbestendig te maken.

• Onderwijs is de basis waarop Curaçao zijn toekomst bouwt.
• Het is de leraar die elke dag met toewijding voor de klas staat.
• Het is de leerling die nieuwsgierig binnenkomt en met vertrouwen naar buiten gaat.
• Het is de ouder die meedenkt, ondersteunt en gelooft in de kracht van zijn kind.
• En het is de gemeenschap die begrijpt dat investeren in onderwijs investeren is in ons eiland.

Dit schooljaar zetten we opnieuw belangrijke stappen om de kwaliteit van ons onderwijs te versterken. We investeren in professionalisering, moderne leermiddelen, veilige schoolomgevingen en een nauwere samenwerking tussen onderwijs, ouders en samenleving. Want elk kind verdient een school waar hij of zij gezien wordt, gehoord wordt en uitgedaagd wordt om te groeien.

In het bijzonder wil ik vandaag stilstaan bij ons speciaal onderwijs. Dit onderdeel van ons systeem is geen randgebied, maar een bron van kracht, creativiteit en veerkracht. Onze leerlingen in het speciaal onderwijs laten ons elke dag zien wat doorzettingsvermogen betekent. Zij verdienen onderwijs dat hen ondersteunt, stimuleert en laat schitteren.

Daarom is het een bijzonder moment dat ik vandaag met u mag delen:

Op 28 augustus aanstaande wordt de Landsverordening Speciaal Funderend Onderwijs in een openbare vergadering van de Staten behandeld.

Dit is een belangrijke stap richting modernisering, erkenning en structurele versterking van het speciaal onderwijs op Curaçao. Het is een signaal dat wij als land kiezen voor inclusie, voor gelijke kansen en voor een systeem waarin elk kind ongeacht uitdaging of beperking recht heeft op kwalitatief onderwijs dat aansluit bij zijn of haar behoeften.

Dit is niet alleen een beleidsmatige stap; het is een maatschappelijke keuze. Een keuze voor menselijkheid, voor rechtvaardigheid en voor de toekomst van onze kinderen.

Leraren, jullie zijn de motor van ons onderwijssysteem. Jullie dragen de toekomst van Curaçao in jullie handen. Ik dank jullie voor jullie inzet, jullie geduld en jullie liefde voor het vak.

Ouders, jullie zijn onze partners. Onderwijs werkt alleen wanneer school en thuis samenwerken. Ik nodig jullie uit om dit jaar opnieuw actief mee te doen, mee te denken en mee te bouwen.

En aan onze leerlingen: dit jaar is van jullie. Durf te dromen, durf te proberen, durf te groeien. Curaçao gelooft in jullie.

Met trots, vertrouwen en vastberadenheid verklaar ik het schooljaar 2026–2027 officieel geopend.

Laten we samen zorgen dat dit een jaar wordt waarin elk kind ongeacht achtergrond, talent of uitdaging de kans krijgt om te bloeien.

Un bon aña eskolar pa tur hende.

Masha danki.